تحدي 29 يوم

هلا شونكم  قبل ٢٥ يوم من بداية تحدي ٢٩ يوم لتعلم شي جديد من قبل مرتضى التميمي صاحب هذا المبادرة وهي نتعلم مهارة جديده قررت اتعلم هياكل البيانات و الخوارزميات هسه يجي في بالك شنو الربط بين الموظوعين ب حلول المشاكل تعجبني كلش بطرحك هل تسائل  انت من راح تتعلم هياكل البيانات يعني راح تعرف اقضل الأدوات المستخدمة لترتيب او الأدوات الأمثل لهذا الشي مثلاً تحب تصنع خبز عراقي وتحس بطعمه الأصلي هنا الادات الأمثل هو تنور الطين اي تنور مصنوع من الطين هذا راح ينطيك خبز بأفضل اداء وطعم  راح تسئلني اكدر اصنعه بغير تنور او اي شي بي حرارة صحيح بس اني كتلك الأفضل لصنع هذا الشي شنو ف عياكل البيانات انت راح تكدر تعرف شنو الأنسب والأفضل لحل وترتيب خطواتك بشكل افضل لحل وبناء برنامجك.  الخوارزميات هي كذالك لكن بدون التفكير بهل الأمور المهم هو تريد تسوي خبز  اتمنى فهمت شنو النويت اتعلمه اني ف بديت افكر بهاي الطريقه وتحليل كل شي قبل البداية بي خلال هاي الفتره اتعلمت اشلون اكدر افكر بأفضل حال لمشكله برمجيه كانت ب مجال البرمجه وصنع البرامج الشي المهم هو ان تصنع برنامج بأقل تكلفه وبأداء افضل بأقل التكاليف وصلت لمر

السلام  عليكم اليوم اكتب مدونة اليوم العشرين من هذا التحدي الي قررت بي اتعلم هياكل البيانات و الخوارزميات الي كان الهدف افهم واتعلم اشلون اكدر  احلل المشكله واحلها بأفضل طريقة ممكن، كدرت اتابع فيديوهات اشلون يحل المشكله البرمجيه وشلون تتم سلسلة الحل شفت هذا الفيديو  هذا الفيديو اضافه الى الأشياء الي ذكرتها بالمدونه السابقة مدونة ١٠ ايام من هذا التحدي ضليت مستمر بنفس الأشياء بتركيز اكثر تقدمي كان قليل خلال هاي الفتره بسبب الامتحانات لكن هو تحدي ولازم استمر اتخيل متونس بلتحدي لان اتابع فيديو بهاي سرعة الاتصال عندي، راح ابدي انزل مدونات يوميه طريقتي وكيف اتطور وافكر عند حل المشاكل، لان التفكير البرمجي او اي تفكير بشي اخر ينطيك سيطرة وانتاج اكثر من شي بنفس الوقت يعني من تريد تتعلم لغه جديده مثل الانكليزي يكلك فكره بالانكليزي ف هذا الشي اتعلمته أيضآ خلال هاي الفتره  بالنهاية ممتن لفريق العمل العظيم الي يقدملنا نصائحهم وعمل اللقائات اون لاين مساعدتنا في حل جميع المشاكل ان وجدت بنهاية هذا اليوم احب او هذا الأيام من التحدي اني فخور كلش لان اطورت و وسعت معلوماتي بهاذا المجال اكثر وحاب اسوي ريلي

  شونكم يابة بعد 10 من التقدم والتعلم اشياء جديدة خلال هذا التحدي قررت بالبداية اتعلم هياكل البيانات والخوارزميات وشون اكدر احلل المشكلة واحلها وفق هذا المبادة حتى تساعدني للوصول الى هدفي  بديت اتعلم هياكل البيانات والخوارزميات من عدة مصادر واستخدمة مصادر مختلفة منها موقع على الانترنت و استخدمة منصة يوتيوب ايضا التزمة بدورة حستها كلش جاي تساعدني كون طريقة الشرح وتوضيح المفاهيم بشكل سلس وممتع  اول مابدية كنت امتلك نضرة بسيطة على هذا العالم لكن وية هذا التحي بدت تتوضح المفاهيم اكثر وبشكل اوسع وابسط وحسيت بتطور بمكانيتي لنضر للمشكلة البرمجية وكيفية حلها واختيار الشي المناسب لحلها قبل كنت من اختار مشكلة وابدي احلها جنت احلها بطريقة عشوائية بدون التفكير ب الوقت الاسرع  والطريقة الامثل لحل المشاكل , هذا لقطات من المسيرة اني كلش فخور بنفسي لأني كدرت اوصل الى هاي المرحلة بوقة اسرع من الجنت مخطط اله فكلش متونس  صحيح جاي نمر بصعوبات البلد من كهرباء وغيرها من المشاكل والالتزامات الي الحياة فارضتها علينا لكن الحمد للة العراق خلانا  نتعود على هذا الجوة ف ينطينا حافز كبير لتقدم ف انصح الي جاي يقرا ه

  مرحبا ايها العالم  اني عمر محسن اشتغل مبرمج تطبيقات موبايل  ومصمم واجهات مستخدم وصارلي سنتين اشتغل بهاذا المجال ك اعمال حرة وغيرها ب مجال البرمجة من كثر حبي لهذا المجال دخلت كلية علوم حاسبات وحاليا مرحلى ثالثه دخلت سوق العمل ب المرحلى الاولى حلمي والهدف الي اسعالة ان اكون مبرمج بشركة عالمية  تجاربي قبل الدخول بهاذا العالم هو جنت اريد اصير ممثل ب مرحلة الاعدادية شاركة بهواي مسرحيات وعروض مدرسية وقليل ب مسرح الطليعة  احب روح التعاون وخدمة المجتمع اسسنا فرق تطوعية لمساعدة العوائل و المهجرين فترة النزوح والى الان مستمرين ب تعليم الاطفال الأيتام مجانا  وحاليا بعد ما تعلمت البرمجة قررنا ننشاء مبادرة لتعليم البرمجة مجانا سميناها مبادرة مبرمجين ديالى و مستمرين بتقديم الدورات وهنا جزء منها وية طلابنا    هدفي من هذا التحدي هو تطوير نفسي للوصول الى الشركات العالمية قررت اطور نفسي ب هياكل البيانات و الخوارزميات وحلول مشاكل من موقع LeetCode الهدف الي اريد اوصل بنهاية هل تحدي هو اكدر احلل مشاكل برمجية كبيرة و احل اسئلة ب leetcode راح اشاركم كل شي بهاي الرحلة  مع ذالك تقوية نفسي بالنكليزي  هذا كان