تحدي ٢٩ يوم كيف تعلمت حل المشكلة البرمجية

هلا شونكم 

قبل ٢٥ يوم من بداية تحدي ٢٩ يوم لتعلم شي جديد من قبل مرتضى التميمي صاحب هذا المبادرة وهي نتعلم مهارة جديده قررت اتعلم هياكل البيانات و الخوارزميات هسه يجي في بالك شنو الربط بين الموظوعين ب حلول المشاكل تعجبني كلش بطرحك هل تسائل 

انت من راح تتعلم هياكل البيانات يعني راح تعرف اقضل الأدوات المستخدمة لترتيب او الأدوات الأمثل لهذا الشي مثلاً تحب تصنع خبز عراقي وتحس بطعمه الأصلي هنا الادات الأمثل هو تنور الطين اي تنور مصنوع من الطين هذا راح ينطيك خبز بأفضل اداء وطعم 

راح تسئلني اكدر اصنعه بغير تنور او اي شي بي حرارة صحيح بس اني كتلك الأفضل لصنع هذا الشي شنو ف عياكل البيانات انت راح تكدر تعرف شنو الأنسب والأفضل لحل وترتيب خطواتك بشكل افضل لحل وبناء برنامجك. 

الخوارزميات هي كذالك لكن بدون التفكير بهل الأمور المهم هو تريد تسوي خبز 

اتمنى فهمت شنو النويت اتعلمه اني ف بديت افكر بهاي الطريقه وتحليل كل شي قبل البداية بي خلال هاي الفتره اتعلمت اشلون اكدر افكر بأفضل حال لمشكله برمجيه كانت ب مجال البرمجه وصنع البرامج الشي المهم هو ان تصنع برنامج بأقل تكلفه وبأداء افضل بأقل التكاليف

وصلت لمرحله اني راضي بيها على نفسي وهي البداية بالتفكير بالمشكلة وحلها الخطوة الثانية ابدي أرسمها على الورق هنا ما افكر بأفضل حال للمشكلة بل افكر بحل فقط بعدها ارسم الخوارزميه ومن ثم اختيار الادوات واللغه البرمجيه الأنسب للحل بعدها من انتهي من الحل أبدي اطور الحل بشكل افضل وهذا الشي انطاني شي جبار كلش بالتفكير بكل شي بحياتي مو بس البرمجة

هذا كانت تجربتي والأشياء الي اكتسبتها خلال هذا الفتره 

اتمنى فدتك ولو بشي بسيط بهاذا المقال 

عمر محسن