تحدي 29 يوم اليوم العاشر

 

شونكم يابة بعد 10 من التقدم والتعلم اشياء جديدة خلال هذا التحدي قررت بالبداية اتعلم هياكل البيانات والخوارزميات وشون اكدر احلل المشكلة واحلها وفق هذا المبادة حتى تساعدني للوصول الى هدفي 

بديت اتعلم هياكل البيانات والخوارزميات من عدة مصادر واستخدمة مصادر مختلفة منها موقع على الانترنت و استخدمة منصة يوتيوب ايضا التزمة بدورة حستها كلش جاي تساعدني كون طريقة الشرح وتوضيح المفاهيم بشكل سلس وممتع 

اول مابدية كنت امتلك نضرة بسيطة على هذا العالم لكن وية هذا التحي بدت تتوضح المفاهيم اكثر وبشكل اوسع وابسط وحسيت بتطور بمكانيتي لنضر للمشكلة البرمجية وكيفية حلها واختيار الشي المناسب لحلها قبل كنت من اختار مشكلة وابدي احلها جنت احلها بطريقة عشوائية بدون التفكير ب الوقت الاسرع  والطريقة الامثل لحل المشاكل , هذا لقطات من المسيرة

اني كلش فخور بنفسي لأني كدرت اوصل الى هاي المرحلة بوقة اسرع من الجنت مخطط اله فكلش متونس 

صحيح جاي نمر بصعوبات البلد من كهرباء وغيرها من المشاكل والالتزامات الي الحياة فارضتها علينا لكن الحمد للة العراق خلانا 

نتعود على هذا الجوة ف ينطينا حافز كبير لتقدم ف انصح الي جاي يقرا هذا المقال انو لا اتخلي اي عواقب امامك

كنت مخلي هذا الهدف والحمد لله جاي اشوف التقدم والتطور والتعرف على الاصدقاء من خلال هذا المبادرة ف كان هم تحدي 

وهم تعرف على اصدقاء جدد ومحفزين

كنت مخلي خطة اتعلم بوقت 4 ساعات باليوم من مشاهدة الفيديوهات وقرائة المقالات هسه حبيت اضيف للخطة شي وهو ازيد الوثت ساعه هي لحل مشاكل برمجية على المواقع و مشاهدة مقابلات عمل وحلول حقيقية الي تستخدم بالشركات العالمية

كان هذا الهدف ومازال وضعت الخطا خلال هذا العام انو اكدر اوصل لمستوى عالي حتى لا يكون السبب عدم الوصول من طرفي 

يعني اسوي الي مفروض علية واتعلم واطور حتى اكون مستعد الى مقابلة العمر رغم الكلام الي اسمعه من انطي هاي الفكرة

الى الناس المقربين مني اغلبها سلبية لكن الايجابية تقضي عليها

وبالنهاية اني ممتن كلش لكل شخص جاي يصنع فيديوهات ويكتب مقالات ويساعدنا بشكل مجاني 

ممتن الى الاشخاص الي يصنعون مثل هذا الفرص للشباب وحثهم على هذا التغير بالواقع الي عايشينا 

ممتن الى الاشخاص الي يدعموونا حتى لو بكلمة لان كلش تنطيني حافز وتونسنا لتقدم والتعلم اكثر الى الوصول الى الحلم